Q: 點解揀身心靈療癒的方法陪伴自己？
A: 喺我最低落的時候，我用過好多方法。Weewung 至打小人、六壬，理性至心理輔導都有。身心靈方法比較多感受連結智慧的修習方法，talk 的部份反而比較少，唔係填鴨式咁塞比你，可以話係自己參與發掘的過程。自己發掘的好處是讓你的「道」更深刻，陪伴你更長久。
Q: 點解會有戶外、課室、上門不同的選項？
A: 適合唔同的需要。戶外的話，省了租課室的費用或家裡沒空間，而且接觸大自然有截然不同的療效，戶外四時變化和蚊蟲可視為較高階的訓練。課室的話，會精選高質療癒場地，環境舒適能量飽滿，如不喜戶外或家裡沒空間可選此項。上門的話，由於我一人行動，請體諒我要先認識你或透過舊生認識你才有此選項，如家居空間許可，你可以既足不出戶又見真人上課。如果新生，可以先以戶外或課室完成一個課程。
有些課堂如舞動冥想、香道班、芬芳養生等必要使用課室，費用就已包括課室費用。
Q: 聽講冥想好危險喎，係咪真架?
A: 我都聽講過。但你聽我講，正念或高階瑜伽的進路是安全的。你的心魔更危險。
Q: Ant Is Healing 有無宗教背景？
A: 無。不含任何他者崇拜的成份。當然啦，如果你本身就有信仰，需要借佛陀、基督的助力，你可以按自己的需要呼喚。只是此處乃是中性之地，不刻意呼喚宗教亦不排斥宗教。
Q: 點揀身心靈導師？
A: 我建議你要了解下導師的理念同埋性格，多過佢有咩年資。人地後生都可以老靈魂，所以講唔準。呢個年代天花龍鳳，咩資格咩進路都有，但如果佢同你唔 connect 或者你無辦法向佢打開心扉，其實人地幾勁都係人地的事。最重要係你，整個學習同你提升同埋認識生命有咩關係？你認唔認同佢的理念？佢同你交唔交流到？
That’s why 我 keep 住寫冥想日常，比你睇我的想法、經歷。
Q: 你識唔識通靈？
A: 通靈黎講，有啲老一輩的師傅會話要天生異稟先有。但我們 Guru 話能量實在到好似一件睇到摸到的物件咁真實。既然係咁客觀咁真實，又何需天生異稟？只是有無適合你的進路去練習呢份現代人失落左的力量。再講，修術學法唔係生命的終極面向，天份高者以此為職業當然無不可，但要搞清楚修心先提升到生命力。我有我高敏的地方，但我不會用作賣點。呢度係做平凡人架，可以返網站首頁睇睇。神性亦唔等於巫術呀、法術呀，呢度無架……唔好意思。但呢度係有一種魔法：
「你將發現自己愈來愈能夠快速地從生命的黑暗情緒中解放出來，有這種能力就是最大的奇蹟。」– 《西藏生死書》索甲仁波切
Q: 點解用 5298 8135 呢個咁唔老黎的電話號碼？
A: 哦……唔易久發，係咪？其實小姓吳。我明個 Number 唔係個個 carry 到，多謝關心。
仲有咩想問，不妨去IG 或 Thread 留言，我會盡力解答。
Ant is Healing 